Во минатото манастирскиот комплекс Чебрен бил еден од најбогатите и најпознатите во Мариово и пошироко. Неговата поволна стратешка позиција и фактот што во Мариово за време на турското владеење немало исламизација на населението, го направиле еден од најбогатите во Македонија.
Скица со реконструкција на изглед на средновековниот град Чемрен со обѕидието зајакнато со неколкуте кули.
Карта од 1890 г со Манастир Чебрен и некои од поважните патишта во тоа време
Ова може да се забележи и преку темелите на стариот манастир Св. Димитрија (XV век), кој во тој период бил со импресивни димензии, а од него останал само олтарниот дел, кој денес е вграден во новиот објект. Во своја сопственост манастирот имал воденици со 12 воденички камења, многу стока, ниви, ливади, големи површини со шуми и пасишта.
Според пишаните документи манастирот во XIX век имал и свое ќелијно училиште на старословенски јазик. Во ова училиште се подготвувале свештеници и учители за другите мариовски села.
Остатоци од мостот на Црна Река во близина на манастирот
Камени скали до утврдувањето на ридот.
Остатоци од Св.Димитриј пред реконструкцијата. Фотографии од 1980 г
Влез во манастирот
Св. Димитриј
Во близина се наоѓа и црквата Св. Спас, помала црква позната по своите фрески кои датираат од XVI век.
Св. Спас
Како до Чебрен
Комплексот Чебрен е лоциран по течението на Црна Река на 5,5 км од с. Зовиќ. Пред селото се скршнува лево и се вози приближно 1 ч по пат наменет единствено за теренски возила. Втора варијанта претставува прошетката низ живописната природа, која зависно од временските услови трае приближно час и половина од с. Зовиќ.
Манастирот го слави Ѓурѓовден (5 и 6 мај) кога во него се собираат приближно 200 посетители. Располага со конаци со капацитет од 12 легла, гостинска соба и кујна, а осветлувањето е со агрегат.
Во согласност со црковниот одбор на с. Зовиќ, можни се организирани ноќевања.
Booking.com
