Црква Св. ДИМИТРИЕ, с. Градешница, Мариово

Booking.com

На влезот од селото Градешница (Мариово) во општина Новаци, на 52 км растојание од Битола, во селските гробишта е лоцирана мала по димензии црква, која во одредени извори се споменува како Св. Ѓорѓи, а кај народот е позната како црква посветена на Св. Димитрие.

Не пропуштајте: Цркви и манастири во Мариово – незаборавно 4х4 доживување >>>

Црквата Св. Димитрија е еднокорабна градба, полуобличесто засведена. Судејќи по сочуваните столбови со орнаментирани капители веројатно се работи за материјал што бил донесен од постара за потребите на оваа црква.

Имено, познато е дека селото Градешница било населено од најрани времиња, и истото има особено богата христијанска традиција. Доказ за ова е и црквата Св. Андонија на горниот крај на селото, која всушност била стара римска вила, која во 4- 5 век била прилагодена во црква.
Инаку, црквата Св. Димитрија е градена од кршен камен и е особено специфична по ѕидната олтарна преграда — иконостасот, кој ја има дебелината на ѕидот, на кој во фреско-декорација се предадени ликовите на Исус Христос, Богородица Умиление, Св. Димитрие и Св. Никола.
Во наосот, на јужната страна е Деисизната композиција, Св. Архангел Михаил; во втората зона: Св. Јован, Св. Климент, Св. Ана и др.; во третата зона: Лазаревото Воскресение, Крштението, Раѓањето на Христа. На западната страна е композицијата Успеине Богородичино.
Сочуваниот живопис што е насликан во наосот и на иконостасот се разликува од тој во олтарната апсида. Судејќи по третманот и стилските карактеристики, овој живопис, најверојатно му припаѓа на XIV век.
Меѓутоа, животот во олтарната апсида иако асоцира на тој од наосот и иконостасот, според сликарскиот третман повеќе упатува на сликарските остварувања од XV век.